फॅमिली डॉक्टर

---

त्रिदोष व रोग Posted: 24 Nov 2010 03:40 PM PST दोषांचा संचय म्हणजे काय, दोषांचा प्रकोप कोणत्या कारणांनी होतो आणि त्या प्रकोपाची लक्षणे काय असतात हे आपण पाहिले. आता आपण याच्या पुढच्या अवस्था काय असतात हे पाहणार आहोत. दो ष प्रकुपित झाले असतानाही योग्य उपचार न मिळाल्यास प्रसर पावतात. प्रसर अवस्था समजावी म्हणून सुश्रुत संहितेत पुढील उदाहरण दिले आहे- प्रकुपितानां किण्वोदकपिष्टसमवाय इवोद्रिक्‍तानां प्रसरो भवति । ...सुश्रुत सूत्रस्थान किण्व (मद्यनिर्मिती करण्यासाठी वापरण्यात येणारे विशेष विरजण), मीठ व पाणी एकत्र करून काही दिवस ठेवले असता जसे आंबून फसफसते आणि भांड्यातून बाहेर येते त्याप्रमाणे प्रकुपित झालेले दोष वेळीच उपचार न मिळाल्यास आपल्या स्थानातून बाहेर पडतात आणि या क्रियेला प्रसर असे म्हणतात. वात-पित्त-कफ या तिन्ही दोषांचा प्रसर होत असला तरी प्रसराला मुख्य कारणीभूत दोष हा वातदोष असतो. तिन्ही दोषांपैकी फक्‍त वातदोषालाच गती असल्याने व तो रजोगुणप्रधान असल्याने वातदोषच प्रसाराला जबाबदार असतो.

You are subscribed to email updates from फॅमिली डॉक्टर To stop receiving these emails, you may unsubscribe now.	Email delivery powered by Google
Google Inc., 20 West Kinzie, Chicago IL USA 60610